Presidenti i ri, Balla: Dialogu do zhvillohet vetëm mes grupeve parlamentare

Kreu i Grupit Parlamentar të PS-së, Taulant Balla deklaron se procesi për zgjedhjen e presidentit të ri do të bëhet vetëm në nivelin e grupeve parlamentare.

“Tradita parlamentare është e konsoliduar në këtë proces. Procesi do jetë në Kuvendin e Shqipërisë vetëm në Kuvendin e Shqipërisë, vetëm në nivelin e grupeve parlamentare. Ky është kushti i vetëm që ka mazhoranca në këtë proces”, u shpreh Balla në mbledhjen e Konferencës së Kryetarëve.

Më herët, Kryetari i Partisë Republikane, Fatmir Mediu, propozoi që të përfshihen të gjithë deputetët në procesin e zgjedhjes së presidentit të ri.

“Ky është një proces që duhet të përfshijë të gjithë trupën e deputeteve të Kuvendit. S’ka autoritet dhe as individë të caktuar apo parti të veçuara, por të gjithë të jenë të përfshirë. Propozimi im i parë, pasi është me rëndësi, është që të arrijmë në një marrëveshje që të kemi një president që të jetë mbi palët. Ndaj mendoj që të konsiderojmë dhe deputetët dhe grupet parlamentare dhe partitë”, tha Mediu.

LEXONI GJITHASHTU:

• Alibeaj: Të mos zhvillohet më 10 maj raundi i parë për votimin e presidentit
• Presidenti i ri, sot nis zyrtarisht procesi