Presidenti Meta: Tani përgjegjësia është e numëruesve, asnjë votë të mos tjetërsohet

Presidenti Ilir Meta në mbyllje të procesit të votimit ka bërë një reagim në rrjetet sociale ku kërkon që asnjë votë të mos tjetërsohet.

Ai thotë se tani përgjegjësia për të mbyllur me sukses procesin është e komisionerëve dhe numëruesve.

“Të gjithë qytetarët të relaksohen tani, pas këtij procesi të mrekullueshëm votimi. Tani është përgjegjësia e komisionerëve dhe e numëruesve.  Askush të mos guxojë të cenojë këtë proces madhështor elektoral për llogari meskine! Asnjë votë nuk mund të tjetërsohet”, shprehet presidenti.

Sipas kreut të shtetit “sondazhet, që jepen, kanë vetëm prapavija partiake dhe ju do të argëtoheni me to në fund të procesit”. Ai e mbyll reagimin duke thënë se “Shqipëria ka Fituar dhe shumë shpejt do çelim negociatat për anëtarësim”.