Presidenti rus, Putin, uron Biden për fitoren në zgjedhje

Presidenti i Rusisë, Vladimir Putin, ka uruar presidentin e zgjedhur të SHBA-së, Joe Biden, një ditë pasi Kolegji Zgjedhor shpalli fitoren e tij.

Deklarata zyrtare nga Kremlini erdhi 42 ditë më vonë nga dita e zgjedhjeve presidenciale të SHBA-së, me datë 3 nëntor.

Rezultatet disa ditë pas zgjedhjeve amerikane u bënë publike, ku tregohej se Biden kishte fituar kundrejt kandidatit kundërshtar Donald Trump, por Putin deri më sot nuk kishte reaguar.

Nga informacionet që kishim nga deklaratat e mëparshme, është thënë se nuk do të ketë një urim nga presidenti rus para zyrtarizimit të fituesit të zgjedhjeve presidenciale 2020.

Ndaj një ditë pas shpalljes së fituesit nga Kolegji Zgjedhor, Putin, ka derguar një urim ndaj Biden në të cilin është shprehur se:

“Bashkëpunimi ruso-amerikan i bazuar në parimet e barazisë dhe respektit të ndërsjellë do të përmbushte interesat e njerëzve në të dy vendet, por dhe në arenën ndërkombëtare.”

Mbi të gjitha, Vladimir Putin ka shprehur edhe deshirën për të patur një kontakt me Joe Biden dhe bashkepunime në të ardhmen.