Presidenti Zelenskyy vizitë të papritur në Finlandë

Udhëheqësi ukrainas do të zhvillojë bisedime me presidentin finlandez Sauli Niinistö dhe do të ketë takime dypalëshe me kryeministra të vendeve të tjera nordike.

Presidenti ukrainas Volodymyr Zelenskyy ka mbërritur në kryeqytetin finlandez për një vizitë të papritur dhe bisedime me kryeministrat nordikë.

Vizita organizohet nga presidenti i Finlandës Sauli Niinistö , i cili merr drejtimin për çështjet e politikës së jashtme dhe bisedimet do të përfshijnë “luftën e mbrojtjes së Ukrainës”, si dhe mbështetjen finlandeze për Ukrainën dhe marrëdhëniet dypalëshe.

Zelenskyy do të marrë pjesë në një drekë pune me kryeministren në largim Sanna Marin, ministrin e Jashtëm Pekka Haavisto dhe do të takojë gjithashtu kryeministrin e ardhshëm, Petteri Orpo, i cili aktualisht po zhvillon bisedime për formimin e një qeverie të re pas zgjedhjeve të prillit.

LEXONI GJITHASHTU: 

• “Fushata s’është lokale”, Haxhimali: E eklipsojnë kryetarët dhe s’flasin kandidatët
• Masakra me 9 viktima në Beograd, gazetari flet për Euronews nga vendngjarja