“Fushata s’është lokale”, Haxhimali: E eklipsojnë kryetarët dhe s’flasin kandidatët

Drejtori i Institutit të Bashkive, Agron Haxhimali ishte i ftuar këtë të martë në Euronews Albania për të folur rreth fushatës elektorale që po zhvillojnë partitë përzgjedhjet vendore të cilat do të mbahen më 14 maj.

Haxhimali tha se fushata nuk duket si një fushatë për zgjedhje lokale, pasi në çdo  qytet apo fshat është kryetari i partisë a i koalicionit a që flet dhe jo kandidati i bashkisë.

“Koha është duke kaluar ndërsa ne po përkeqësohemi, kjo nuk më pëlqen. Kur më pyet a është lokale, po ç’lokale është kjo fushatë? Ajo është e eklipsuar nga kryeministri Rama nga ora 8 e mëngjesit deri në 8 të darkës. Është nga fshati në fshat dhe nga bashkia në bashki dhe kur shkon do të flasë vetëm ai.

Kandidati nuk flet. Mbaron fjalimin kryeministri nuk flet më kandidatit, e njëjta gjë edhe në kampin opozitar. Është e paprecedente, sepse duhet të themi një gjë për qytetarët shqiptar. Më thoni ju, kryeministri i Gjermanisë, i Austrisë, i Francës, i bëjnë këto lojëra? nuk i bëjnë. As ne nuk i bëjmë”,-tha pwr Euronews Albania Agron Haxhimali.

LEXONI GJITHASHTU:

• “U shtriva mbi shokët e vdekur”, dëshmia e vajzës që i shpëtoi masakrës në Beograd
• ‘Shqipëria vend problematik’, Çipa zbulon sesi media shqiptare bie në kurth