Presidentja e Tajvanit: Lufta me Kinën nuk ekziston si mundësi

Presidentja e Tajvanit, Tsai Ing-wen, i ka thënë Papa Françeskut se lufta me Kinën nuk ekziston “si mundësi”, dhe ka thënë se bisedimet konstruktive me Pekinin varen nga respektimi i demokracisë së ishullit.

Kina ka pretendime territoriale ndaj Tajvanit, ishull që vetëqeveriset, dhe deklaron se do ta rikthejë kontrollin e tij dikur, qoftë edhe përmes forcës.

Vatikani përbën qeverinë e fundit evropiane që ka lidhje diplomatike me Tajvanin, në vend të Pekinit, ndonëse Shtetet e Bashkuara dhe kombet tjera perëndimore mbajnë raporte joformale.

Tsai, në një letër nisur kreut të Selisë së Shenjtë, e ka shprehur mbështetjen e saj për pozicionin e Vatikanit ndaj luftës së Rusisë në Ukrainë, për “politikat miqësore ndaj migrimit” dhe shëndetin publik.

“Ne identifikohemi me qëndrimet tuaja”, ka shkruar Tsai.

Tajvani dhe Kina janë ndarë më 1949 pas një lufte civile dhe nuk kanë marrëdhënie zyrtare, mirëpo i lidhin miliarda dollarë të tregtisë dhe investimeve.

LEXONI GJITHASHTU:

Kina përsërit kërcënimet për sulm ndaj Tajvanit

Kina kryen sërish manovra ushtarake pranë Tajvanit