‘Presim vendimin e gjykatës’, ambasadori austriak për bashkëpunimin me Berishën

Ambasadori austriak, Christian Steinar është shprehur se janë në pritje të një vendimi të gjykatës për të formalizuar ose jo bashkëpunimin me Sali Berishën si kryetar i Partisë Demokratike.

“Ne ndjekim zhvillimet, është politike e brendshme në Shqipëri, si diplomat nuk e komentoj. Duhet të shikojmë si do jetë vendimi i gjykatës, atëherë për ne është e rëndësishme është që të kemi një opozitë të fortë. Do ta shikojmë, presim vendimin e gjykatës”, u shpreh ambasadori nga Korça.

Për Ballkanin e Hapur, Steinar tha se iniciativat rajonale, nuk duhet të bien ndesh me standardet e BE-së.

“Ballkani i hapur është një iniciativë rajonale, në parim iniciativat rajonale janë të mira por është e rëndësishme që standardet e BE të respektohen”, tha ai.

LEXONI GJITHASHTU:

• Serbia synon anëtarësimin në BE, Scholz: Të respektojë sanksionet ndaj Rusisë
• Scholz në Prishtinë: Njohja reciproke Kosovë – Serbi hap rrugën për në BE