Pretendimet e muxhahedinëve, mjeku: Viktima nuk vdiq nga infarkti, erdhi i plagosur

Mjeku që i dha ndihmën e fundit para se të vdiste muxhahedinit që u pa në morgun e spitalit në Manzë, Durrës përgënjeshtroi policinë.

Ai tha për Euronews Albania se është gënjeshtër që ai ka pësuar një infarkt. Ali Mostashari kishte ardhur në spital, sipas mjekut, me një goditje në kokë dhe me probleme me frymëmarrjen për shkak të gazit djegës që ka përdorur policia gjatë kontrollit.

“E njihja shumë mirë, e shihja çdo ditë të bënte ecje. Ishte njeri normal dhe shumë i shëndetshëm. Këto janë gënjeshtra që thotë policia [referuar këtu infarktit] për të mbuluar krimin,” – u shpreh mjeku.

Sipas deklaratës zyrtare të policisë, ata nuk kanë shkaktuar asnjë viktimë, ndërsa sipas muxhahedinëve ishin përplasjet me policinë dhe sulmet e tyre, siç i cilësojnë ata që shkaktuan vdekjen e njërit prej tyre.

Policia ka përdorur lëndët neutralizuese në momentin që banorët e MEK-ut kanë bërë rezistencë kur iu është kërkuar të dorëzojnë kompjuterët dhe serverat.

LEXONI GJITHASHTU:

• Berisha: Dënoj sulmin e policisë në kampin e muxhahedinëve që solli një viktimë
• Mbërrin në spitalin e muxhahedinëve prokurori i Durrësit