Kreu i Bashkisë Tiranë, Erion Veliaj prezantoi në një deklaratë për mediat linjën e shpejtë të autobusëve në kryeqytet.

Projekti “Bus Rapid Transit” është në bashkëpunim me kolegët e GIZ, siç bëri me dije Veliaj, i cili bën fjalë për një sistem inovativ të transportit publik, i cili do të prekë linjat kryesore të qytetit, si Kinostudio-Kombinat, Unazën dhe linjën e Tiranës së Re.

“Tre përfitimet kryesore nga ky projekt përfshijnë dyfishimin e shpejtësisë së lëvizjes të autobusëve nga 9 në 20 km/h, përgjysmimin e kohës së një cikli të plotë që përshkon një autobus i linjës urbane, nga 54 minuta që është sot, në 24 minuta, dhe më e rëndësishmja kapaciteti i transportit rritet nga 9 mijë në 23 mijë udhëtarë në orë,” – deklaroi kryebashkiaku.

Ai shtoi gjithashtu se në disa zona “të nxehta” ku bëheshin aksidente tashmë ka kangjëlla, sisteme semaforësh, vija të bardha, ndriçim dhe situata është rregulluar ndjeshëm.

LEXONI GJITHASHTU:

• Presidenti i MRB: Veliaj ka votues të qëndrueshëm, Këlliçi të shtoj komunikimin
• Shabani: Pse nuk nxora kandidat përballë Këlliçit, Veliajt dhe Qorit