Primaret në PD, Zef Hila kandidon për Vaun e Dejës

Deputeti i Partisë Demokratike, Zef Hila ka shpallur kandidaturën për bashkinë e Vaut të Dejës në primaret e PD.

Vendimi e ka bërë me dije vetë Hila, përmes një statusi në Facebook ku rendit edhe arsyet që e çuan në këtë vendim.

“Unë jam këtu me ju, me besim të plotë, bashkë me ju, me misionin tonë të përbashkët të Partisë Demokratike, për t’iu kthyer vlerat secilit nga ju, për t’iu kthyer identitetin e cenuar, për t’iu shërbyer dhe bashkëpunuar, që bashkia jonë, të mos jetë në hije, por t’i japim zë, figurë, ta bëjmë të paraqitet dinjitoze e më konkurruese edhe në nivel ndërkombëtar duke përmirësuar performancën në shërbim të qytetarëve. Kjo zonë, ky komunitet meritojnë më shumë rrugë, shkolla, shërbime, investime e mbështetje në bujqësi, agroturizëm, më shumë përkrahje sociale, më shumë zhvillim e të ardhme të sigurt për të gjithë! Mundësia dhe potenciali është këtu, dhe miqtë e partnerët tanë, kanë qenë dhe janë këtu, me ne, në mbështetjen tonë, dhe janë edhe ata një frymëzim dhe shtysë për mua që mora këtë vendim të rëndësishëm”, shkruan Hila.

Një ditë më parë PD njoftoi shtyrjen e kandidimit për primaret deri në 12 nëntor.

LEXONI GJITHASHTU:

• Zyrtarizohet kandidati i dytë në Primaret e PD-së për Bashkinë e Fierit
• 7 kandidatët e PD-së për primaret në Bashkinë Tiranë (EMRAT)