Zyrtarizohet kandidati i dytë në Primaret e PD-së për Bashkinë e Fierit

Artur Mahmutaj ka prezantuar këtë të martë kandidaturën e tij në Primare për Bashkinë e Fierit.

Mahmutaj u shpreh se do të pranojë rezultatin e zgjedhjeve dhe u bëri thirrje demokratëve që të jenë bashkë në protestën e 12 nëntorit.

“Personalisht zotohem se do të pranoj dhe respektoj rezultatin e zgjedhjeve që do dalin nga këto primare brenda PD-së, jam besimplotë se kushdo qoftë kandidati që do të ballafaqohet në betejën e vitit 2023, gëzon respektin dhe mbështetjen e bazës dhe bashkëqytetarëve të Fierit.

Të dashur miq demokratë, kupa është mbushur dhe derdhur prej kohesh. Koha për ndryshim ka ardhur dhe data 12 Nentor do të kremtojë fillimin e fitores ndaj këtij rregjimi hajdut, arrogant të kapur’, theksoi ai.

Evdar Kodheli është kandidati i parë që konfirmoi pjesëmarrjen e tij në garën për primaret e Partisë Demokratike në qarkun e Fierit.

Përmes një deklarate, ai u shpreh se ndjen detyrim qytetar dhe politik pjesëmarjen në një proces që kthen votën, siguron transparencë dhe meritokraci.

LEXONI GJITHASHTU

• Një tjetër kandidate në garë për Bashkinë e Kurbinit
• 7 kandidatët e PD-së për primaret në Bashkinë Tiranë (EMRAT)
• Shpallet kandidatura e parë për primaret e PD-së në Fier