Princ Leka denoncoi për “dhunë në familje”, Porokuroria e Tiranës nis hetimet

Prokuroria e Tiranës ka nisur hetimet lidhur me denoncimin e bërë ditën e djeshme nga princ Leka Zogu në drejtim të ish-vjehrrit të tij Gjergji Zaharisë dhe ish-gruas Elia Zaharia.

Princi ka denoncuar në polici duke u shprehur se e kanë dhunuar verbalisht dhe fizikisht, e madje ka kërkuar edhe urdhër mbrojtje.

Njoftimi i prokurorisë:

Prokuroria Tiranë nis hetimet për Veprën Penale ‘Dhunë në Familje’ pas denoncimit të shtetasit L.Z., verifikime edhe për publikimin e videos, provë materiale

Në Prokurorinë e Gjykatës së Shkallës së Parë të Juridiksionit të Përgjithshëm Tiranë më datë 06.03.2024, ora 15.00 është referuar nga Komisariati i Policisë Nr.1 materiali kallëzues i shtetasit L.Z për veprën penale “Dhuna në familje”, parashikuar nga neni 130/a i Kodit Penal.

Prokuroria pranë Gjykatës së Shkallës së Parë të Juridiksionit të Përgjithshëm Tiranë, regjistroi kallëzimin penal nr.2893 për Veprën Penale të parashikuar nga neni 130/4 i Kodit Penal.

Materiali është shortuar dhe i është ngarkuar prokurorit përkatës.

Ndërkohë, në lidhje me të dhënat e publikuara në media, ju bëjmë me dije se, nga ana e Prokurorisë kanë nisur verifikimet edhe në lidhje me publikimin e një videoje, provë materiale.

Nga verifikimet e para, ka rezultuar që materiali kallëzues është depozituar në Prokurorinë e Gjykatës së Shkallës së Parë të Juridiksionit të Përgjithshëm Tiranë, pasi videoja është publikuar në media të ndryshme dhe rezulton që zarfi ku është administruar prova të mos jetë i hapur.

Në lidhje me rastin në fjalë, është ngarkuar Agjensia e Mbikëqyrjes Policore për të kryer veprimet hetimore përkatëse.

LEXONI  GJITHASHTU:

• Skandali i princit Leka me Elian, Shabani: Qesharake ta quash mbret, vodhi floririn
• “Ti të rrahësh babain tim?”- Del videoja e përplasjes së Elia Zaharia me Princ Lekën