Princ Leka dhe Elia Zaharia zyrtarisht të divorcuar, zbardhen arsyet e ndarjes

Gjykata e Tiranës ka zgjidhur përfundimisht martesën mes Leka Zogut dhe Elia Zaharias. Ditën e sotme është zbardhur vendimi i Gjykatës për divorcin, që mban datën 25 prill 2024.

Në vendimin e gjykatës thuhet se në kushtet e konflikteve të vazhdueshme, mungesës së komunikimit dhe ndërprerjes së bashkëjetesës kërkesa për divorc e paraqitur nga të dyja palët pranohet pasi martesa e ka humbur qëllimin e saj.

“Sa më sipër, gjykata çmon se martesa ka humbur qëllimin e saj dhe është e vështirë mbajtja dhe rivendosja e unitetit familjar. Për rrjedhojë, kërkesa duhet pranuar dhe duhet vendosur zgjidhja e martesës. Për të arritur në këtë konkluzion gjykata mban parasysh se: Së pari, konflikte të vazhdueshme, mungesa e komunikimit; së dyti, ndërprerja e bashkëjetesës; së treti, qëndrimin e vendosur të kërkueseve për t’i dhënë fund martesës”, thuhet në vendim.

Gjithashtu në këtë vendim është përcaktuar se Elia Zogu do të mbajë mbiemrin që ka pasur para martese “Zaharia”

LEXONI GJITHASHTU:

• Princ Leka dhe Elia Zaharia pajisen me urdhër mbrojtje, duhet të mbajnë distancë 5 m
• Studiuesi: Policia e vërteton lehtë nëse Princ Leka i ka falsifikuar diplomat e tij