Prirja e votës, cila parti gëzon më shumë mbështetje në Tiranë?  

Nëse zgjedhjet parlamentare do të mbaheshin të dielën Partia Socialiste do të fitonte shumicën e mandateve në Tiranë.

Megjithatë fakti se një numër i konsiderueshëm qytetarësh shprehen ende të dyzuar nëse do të votojnë, apo se cilës forcë politike do t’ia besojnë zgjedhjen e bën rezultatin për kryeqytetin sërish të diskutueshëm.

Në sondazhin e tretë kombëtar të kompanisë MRB për Euronews Albania, 17.2% e të pyeturve nuk e përcaktuan se kë parti do të zgjidhnin nëse zgjedhjet do të mbaheshin të dielën:

• Nuk do të votoj – 3.6%
• Nuk e di – 11.5%
• Refuzoj – 2.1%

Nga ata që u përgjigjën, shumica thanë për Partinë Socialiste me një diferencë prej 10.3% nga Partia Demokratike:

• PS – 42%
• PD – 31.7%
• LSI – 6.4%
• Të tjera – 2.7%

Prirja e votës, cila parti gëzon më shumë mbështetje në Tiranë? by Euronews Balkans

Metodologjia

Sondazhi i tretë i Euronews Albania pyeti në rang kombëtar 1015 persona në qarkun e Tiranës, zona urbane dhe rurale lidhur me mendimet e tyre për zgjedhjet e 25 prillit 2021. Intervistat u realizuan gjatë periudhës 25 shkurt – 12 mars dhe përfshinë 48.8% meshkuj dhe 51.2% femra me të drejtë vote.