Prisnim reshje, por jo në këtë nivel, thotë nënkryetari i Bashkisë Lezhë

Ermal Pacaj, nënkryetari i Bashkisë Lezhë tha në një intervistë për Euronews Albania se ishin në dijeni për reshjet, por jo për një sasi kaq të madhe.

Në orët e paraditesh ka pasur deri në 70 mm shi që është një sasi e paparashikueshme, sipas Pacajt.

“Nuk ishim as të njoftuar për një situatë të tillë. Lajmërimi që u bë ishte për reshje me dendësi mesatare, por jo për një situatë të tillë, pavarësisht se Bashkia e Lezhës ka qëndruar në gatishmëri,” – u shpreh nënkryetari.

Gazetarja Ortensa Budlla raportoi më herët nga Lezha se situata është problematike, ku për pasojë disa shkolla janë mbyllur duke qenë se qarkullimi për shkak të ujit që ka mbuluar rrugët është i pamundur.

Ndërsa gazetari Teodor Gjerga nga Shkodra bën me dije se në zonën e Obotit ka rritje të sipërfaqes së tokës së përmbytur. Uji në këto sipërfaqe ka arritur rreth 50 centimetra.

LEXONI GJITHASHTU:

• PD: Mbi 11 hektarë tokë e përmbytur në Lezhë, asnjë investim nga bashkia dhe qeveria
• Përmbytjet në Lezhë| Pjerin Ndreu: 5 familje janë evakuuar, disa banesa nën ujë