Prisnin lëndë drusore në mënyrë të paligjshme, procedohen penalisht 4 persona

Policia e Dibrës ka proceduar penalisht 4 shtetas të cilët prisnin lëndë drusore  në mënyrë të paligjshme.

Uniformat blu kanë sekuestruar lëndën drusore dhe po punojnë për kapjen e një personi tjetër të përfshirë në këtë aktivitet të paligjshëm.

Materialet proceduriale në ngarkim të tyre i kaluan prokurorisë për veprime të mëtejshme.

“Shërbimet e Komisariatit të Policisë Dibër, kanë intensifikuar kontrollet në terren me patrulla këmbësore dhe me dron, me qëllim parandalimin, evidentimin dhe goditjen e krimeve kundër mjedisit dhe si rezultat, u bë e mundur goditja e një grupi që bashkëpunonin me njëri tjetrin duke prerë lëndë drusore në mënyrë të paligjshme.

Në vendin e quajtur “Ceka e Xhikajve”, njësia Administrative Arras, shërbimet e Policisë  kanë kapur në flagrancë shtetasit E.Gj., 40 vjeç; Sh.Xh., 64 vjeç; A.Gj., 67 vjeç; M.Xh., 68 vjeç; duke prerë lëndë drusore në mënyrë të paligjshme, të cilat më pas i grumbullonin brenda në pyll me qëllim fshehjen e tyre.

Në vijim të veprimeve, u referuan materialet në Prokurori ku nisi hetimi penal për 4 shtetasit e lartëpërmendur, dhe vijon puna për kapjen e shtetasit S.T., 38 vjeç, banues në Tiranë,  bashkëpunëtor në aktivitetin që kryenin të proceduarit”, thuhet në njoftimin e policisë.

LEXONI GJITHASHTU:

• U kapën me drogë në makinën e tyre, arrestohen 2 të rinj në Sarandë
• Trafik droge dhe plane për eliminimin e vëllezërve Nela, lihet në burg Ismail Zeneli