Trafik droge dhe plane për eliminimin e vëllezërve Nela, lihet në burg Ismail Zeneli

Gjykata e Posaçme ka vendosur vijimin e masës “Arrest në burg” për Ismail Zenelin, i ekstraduar së fundmi nga Spanja për llogari të drejtësisë shqiptare. Sipas SPAK, Ismail Zeneli është i dyshuar se ka koordinuar me bashkëpunëtorët e tij, si dhe ka dhënë informacione mbi vendndodhjen me qëllim vrasjen e shtetasve Albert Nela dhe Edmond Nela, në Britani në shenjë hakmarrjeje ndaj vëllait, Xhem Krasniqi, i cili ishte vrarë në sy të tij në Britaninë e Madhe në vitin 2013.

Pjesë e këtij grupi ishte edhe ish-shefi i krimeve Dedan Gjoni, i cili iu shërbente interesave kriminale deri edhe në dhënie të informacioneve mbi subjekte që ato kishin në shenjestër të eliminonin. Zeneli thotë SPAK, koordinon me bashkëpunëtorët e tij për trafikimin e lendeve narkotike nga vendet e Amerikës se Jugut për në portet kryesore evropiane, veçanërisht në Valencia/Spanjë.

Gjykata e Posaçme në nëntor të 2023 ka caktuar masën e sigurimit “Arrest ne burg” për ketë shtetas për kryerjen e veprave penale “Sigurimi i kushteve dhe mjeteve materiale për të kryer vrasje”, “Trafikimi i lëndëve narkotike” e kryer në formën e veçantë të bashkëpunimit, atë të “Grupit te strukturuar kriminal” ,“Kryerja e veprave penale nga organizata kriminale apo grupi i strukturuar kriminal”.

LEXONI GJITHASHTU:

• Pjesë e dosjes së Breçanit/ Arrestimi i Zenelit në Spanjë, vjen reagimi i Policisë
• Breçani në burg, djali në kërkim. Lista e plotë e të arrestuarve dhe atyre në kërkim
• Si u arrestua në tribunën VIP të “Air Albania” Shefi i Krimeve, akuzat për Breçanin