Pritet të miratohet vaksina Moderna në SHBA

Administrata e Ushqimit dhe Barnave (FDA) në SHBA e konsideroi vaksinën anti-Covid, Moderna, të sigurt dhe efektive, sipas dokumenteve të publikuara të martën.

Sipas institutit Johns Hopkins, rezulton se pandemia e Covid-19 ka shkaktuar më shumë se 300 mijë vdekje në SHBA.

Qeveria amerikane i ka shpresat te vaksina e Moderna-s për të përmbushur objektivin e saj për të vaksinuar 20 milionë persona brenda muajit dhjetor, edhe pse vaksinimi anti-Covid me vaksinën Pfizer ka nisu që të hënën në SHBA.

Vendimi i FDA-së për dhënien e autorizimit, për përdorimin emergjent të vaksinës së Moderna do të merret pas takimit të një grupi këshilltarësh të jashtëm të këtij institucioni ditën e enjte.

Ndërkohë shumë burime bejnë të ditur se miratimi i vaksinës Moderna do të bëhet të premten, por ende nuk ka informacione zyrtare.

Sipas FDA-së vaksina Moderna është shumë efektive në parandalimin e rasteve me COVID-19 dhe nuk sillte ndonjë shqetësim specifik lidhur me sigurinë tek të rriturit.

Efikasiteti i vaksinës ishte 80.2% vetëm me nje dozë të vetme, në provat e bëra gjatë muajit nëntor.

Vaksina Moderna duhet të jepet në 2 doza, menjë distancë prej 28 ditësh nga njëra-tjetra.