‘Venecia’ për zgjedhjet vendore: Kushtetuesja s’ka kompetencë shqyrtimin e vlefshmërisë

Komisioni i Venecias do të publikojë nesër opinionin final sa i takon çështjes së vlefshmërisë së zgjedhjeve të 30 qershorit 2019.

Opinioni është kërkuar nga Gjykata Kushtetuese, e cila pasi shqyrtoi padinë e dërguar nga shoqata e bashkive, i dërgoi 3 pyetje Komisionit të Venecias.

Në opinionin e Venecias, thuhet mes të tjerash se shqyrtimi i vlefshmërisë së zgjedhjeve të 30 qershorit nuk përfshihet në kompetencat e Gjykatës Kushtetuese.

Në muajin qershor, Gjykata Kushtetuese kërkoi mendimin e Venecias lidhur me çështjen e zgjedhjeve vendore të vitit 2019, të cilat u mbajtën pa opozitën.

Padia në Gjykatën Kushtetuese u bë nga Shoqata e Bashkive e drejtuar nga kryebashkiakja e Shkodrës, Voltana Ademi, e cila kërkoi shpalljen e tyre të pavlefshme.

Kushtetuesja kërkoi mendimin e Venecias duke argumentuar se çështja e pavlefshmërisë së zgjedhjeve është një rast unik për drejtësinë shqiptare dhe kërkon mendim më të specializuar.