“Pritshmëri për fitore”/Vonesa në Kavajë, Salianji: E pashpjegueshme

Në Kavajë kutitë janë grumbulluar deri në orën 20:00, por numërimi nuk ka nisur ende edhe në orën 3 të mëngjesit të 15 majit.

Vonesat, sipas informacioneve, kanë ardhur si pasojë e problemeve me regjistrimin dhe protokollimin.

Ervin Salianji ka qenë i pranishëm në qendrën e votimit në Kavajë për të monitoruar procesin dhe e cilëson të pashpjegueshme faktin që edhe pas 8 orësh nuk ka nisur numërimi i votave në këtë qark.

“Pritshmëritë janë që ta fitojmë bashkinë e Kavajës, pavarësisht presioneve, kërcënimeve, intimidimeve, pavarësisht të gjithë fenomeneve që kanë të bëjnë me shitblerjen e votës dhe me përdorimin e gjithë administratës dhe aseteve shtetërore për të ndikuar rezultatin e zgjedhjeve, besojmë që bashkia e Kavajës do t’i rikthehet qytetarëve duke e marrë opozita. Është e pashpjegueshme vonesa që ka pasur KZAZ-ja. Janë pak kuti për t’u administruar, të shpresojmë që të vendosen sa më shpejt grupet e numërimit,” – u shpreh Salianji.

Për të ndjekur rezultatin në kohë reale klikoni këtu.

LEXONI GJITHASHTU:

• Kavaja me vonesë, pritet ende të fillojë numërimi i votave
• Nis transportimi i kutive drejt qendrave të numërimit në Kavajë