Privatizimi i ish-kompleksit ‘Partizani’, Balla: Faktet e reja që disponoj

Kryetari i Grupit Parlamentar të Partisë Socialiste, Taulant Balla thotë se kanë dalë prova të reja në lidhje me privatizimin e ish-kompleksit sportiv, ‘Partizani’.

Në emisionin “Now” në “Euronews Albania”, Balla u shpreh se prokurorët e SPAK-ut e kanë kuptuar fabulën korruptive në këtë çështje.

“Dolën prova të reja dokumentare. Unë jam nga ata që nuk heqin dorë kurrë nga një çështje. Dy gjëra janë thelbësore. Në Shqipëri janë me qindra dhe mijëra ish-pronarë të cilëve nuk iu është kthyer prona. Është rast unik që në një kohë procedurale tepër të shpejtë, një pronë në qendër të Tiranës është kthyer. Unë kam bërë një kallëzim penal, kam shkuar vetë në prokurori.

Institucioni i SPAK-ut sot është shumë serioz. Kam shumë besim që prokurorët e çështjes e kanë kuptuar fabulën korruptive, sesi ka mundësi që një ndërtesë në qendër të Tiranës, e rikonstruktuar në vitet 95′ me disa qindra mijëra dollarë, në vitin 2012 u shit për 100 milionë lekë të vjetra”, theksoi Balla.

Ish-ministri i Mbrojtjes, Fatmir Mediu është thirrur të mërkurën si deklarues për hetimin që ka nisur për privatizimin e ish-kompleksit “Partizani”.

Kallëzimi për privatizimin e ish-kompleksit “Partizani” ku është ndërtuar një kompleksh pallatesh, është bërë nga kryetari i Grupit Parlamentar të Partisë Socialiste, Taulant Balla.

LEXONI GJITHASHTU

• Ndikoi Berisha e Malltezi për privatizimin e Partizanit? Si përgjigjet Oketa
• Tare: Drejtori i klubit Partizani u emërua shef i kabinetit të Fatmir Mediut
• Balla-Berishës: SPAK ka nisur procedimin për grabitjen e kompleksit ‘Partizani’