Probleme me cilësinë e arsimit në Kosovë dhe RMV, thonë ekspertët

Ekspertët e arsimit në Kosovë dhe Maqedoninë e Veriut deklarojnë se në këto dy shtete problematikë është cilësia e mësimit.

Dibran Hoxha nga Organizata për Rritjen e Cilësisë në Arsim deklaroi se në Kosovë cilësia e arsimit si në shkolla dhe universitete është e ulët.

“Tek ne nuk është problem ngrohja. Tek ne problemi është cilësia në disa nivele. Në nivelin para-universitar gjendja e arsimit është shumë e rëndë, kjo pasqyrohet nëpërmjet rezultatit të PISA-s”, tha ai.

“Fondi për shkencë në shumicën e universiteteve publike është pothuajse zero. Ndërkohë ka shumë para që shpërndahen vetëm për paga”, tha ai më tej.

Z. Hoxha nënvizoi se në të gjitha shkollat e Kosovës ka internet dhe se mësimi online ka ecur shumë mirë.

E njëjta situatë është edhe në Maqedoni të Veriut, sipas ekspertit Artan Limani.

“Nuk kemi pasur probleme me ngrohjen e shkollave. Por nuk kemi cilësi në arsim”, u shpreh ai.

LEXONI GJITHASHTU:

• Studentët sot protestë para Ministrisë së Arsimit për mungesën e ngrohjes në shkolla