Një 30-vjeçar malazez është proceduar nga policia kufitare e Rinasit, pasi nuk deklaroi në kufi një shumë prej 12 480 frangash zvicerane dhe 900 euro, sipas përcaktimeve ligjore.
Policia bën me dije se është sekuestruar shuma e parave, e cila iu gjet të riut e fshehur në trup dhe në çantën e dorës.
Ndërkohë që materialet në ngarkim të 30-vjeçarit i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
“Shërbimet e Policisë Kufitare Rinas, në vijim të kontrolleve për parandalimin, evidentimin dhe goditjen e krimeve ndërkufitare, bazuar dhe në analizën e riskut, në dalje të RSH-së, kanë kaluar në vijën e dytë, për kontroll më të detajuar, shtetasin malazez A. T.
Gjatë kontrollit, këtij shtetasi i janë gjetur të fshehura në trup dhe në çantën e dorës, 12 480 franga zvicerane dhe 900 euro, të cilat ai nuk i kishte deklaruar në kufi, sipas përcaktimeve ligjore në fuqi.
Në përfundim të veprimeve, shuma e parave u sekuestrua në cilësinë e provës materiale dhe nisi procedimi në gjendje të lirë për shtetasin malazez A. T., 30 vjeç, banues në Zvicër, për veprën penale “Mosdeklarimi në kufi i të hollave dhe i sendeve me vlerë”, njofton policia.
LEXONI GJITHASHTU:
- “Ik në Malësi”- Sherri banal në Kavajë dhe hakmarrja e Rexhës për të vëllanë
- U vra me plumb në kokë, viktima në Kavajë ishte kthyer nga Italia kur iu vra vëllai
- Fotoja e viktimës në lokal, u qëllua teksa pinte kafe me babin. Autori iku në këmbë