Drejtori i Përgjithshëm i Policisë së Shtetit, Ilir Proda, zhvilloi një takim prezantues me Atasheun policor të Ambasadës së Austrisë në Tiranë, z. Andreas Nagy.

Gjatë takimit, u vlerësua partneriteti dhe mbështetja e agjencive ligjzbatuese austriake ndaj Policisë së Shtetit në aspekte të ndryshme, përfshirë:

• Krijimin dhe funksionimin e Policisë Alpine
• Veprimtarinë e strukturave të Policisë gjatë sezonit turistik
• Ngritjen e skuadrave të përbashkëta hetimore, kryesisht në fushën e hetimit të krimit kibernetik
• Shkëmbimin e praktikave më të mira për gjurmimin e aseteve të krimit
• Modernizimin e Sektorit të Daktiloskopisë dhe ADN-së në Institutin e Policisë Shkencore

Gjithashtu, gjatë takimit, z. Nagy i dorëzoi Drejtorit Proda urimin e Drejtorit të Policisë austriake, Dr. Franz Ruf, për marrjen e detyrës.

Ai theksoi se misioni i tyre është përqendrimi i kapaciteteve policore kombëtare dhe ndërkombëtare për të parandaluar dhe goditur krimin e organizuar ndërshtetëror.

LEXONI GJITHASHTU:

• Lëvizjet e para në polici, Proda emëron drejtorin e ri tek Standartet Profesionale
• Proda kryen betimin, merr zyrtarisht detyrën si Drejtor i Përgjithshëm i Policisë