Sekretari i Përgjithshëm i Bashkimit të Prodhuesve Shqiptarë, Arben Shkodra deklaroi se nuk mund të rriten pagat, në atë shumë që shqiptarët të qëndrojnë në vend dhe të mos emigrojnë.

Në emisionin “Now” në Euronews Albania, Shkodra u shpreh se rritja e pagës, duhet të shkojë në propocion me produktivitetin në punë

“Kur flasim për industritë e përpunimit, për shërbimet e specializuara, nuk ka më paga minimale. Madje, sot diskutimi po bëhet si t’i mbajmë duke rritur vazhdimisht pagat, t’i mbajmë këtu në Shqipëri, sepse kemi atë armikun tjetër, që është emigracioni. Rritja e pagës shkon absolutisht në propocion me produktivitetin.

Nëse ekonomia shqiptare, përtej kontratave me shtetin, një prodhues shqiptar, i cili ka investuar 2 milionë euro në makineri pajisje, i cili ka mundësi për të prodhuar tre turne pune dhe prdhon gjysmën e turnit të parë, ku është produktiviteti? Mund të ketë kredi në bankë, ka detyrime tatimore, taksa që rriten përditë, rriten gjobat në kohë krize”, theksoi ai.

LEXONI GJITHASHTU

• Çfarë përfitojnë shqiptarët nëse miratohet “minimumi jetik”
• Aktivisti shpjegon çfarë do të thotë për qytetarët minimumi jetik 20 mijë lekë
• Si po e menaxhon qeveria krizën energjetike, sipas ekspertëve