Profesori shpjegon gabimet që janë bërë me ndërtimet në Turqi

Profesori Markel Baballëku është shprehur se në zonat që ka rënë tërmeti në Turqi janë rreth 1 milion ndërtesa.

I ftuar në emisionin “Review” në Euronews Albania , ai bëri me dije se deri më tani 50% e ndërtesave janë pa dëmtuar ndërkohë 20% e tyre janë shembur ose janë gati për t’u shembur.

Ai tha ndër të tjera se masat për tërmetin duhet të ishin marrë që në tërmetin e ’90.

“Turqia ka 10 milion ndërtesa në stokun e saj. Ky territor ka rreth 1 milion ndërtesa. 40% e këtij stoku është ndërtuar në vitet ‘80-2000 dhe tërmeti i vitit ’99 e tregoi më së miri shkallën e cënueshmërisë që ka pasur ai model ndërtimi. Statistikat e sotme tregojnë se 50%  e ndërtesave janë pa dëmtuar, 30% e ndërtimeve kanë ndërtime mesatare dhe 20% e ndërtesave ose i ka shembur tërmeti ose priten të shemben. Kur flasim për 20% bëhet fjalë për 200 mijë ndërtesa”- theksoi ai.

LEXONI GJITHASHTU: 

• Ormeni: Dëmet do ishin shumë më të mëdha nëse tërmeti do të kishte rënë në Izmir
• Evi Kokalari nis lëvizjen Konservatore, thërret qytetarët në takimin e parë