Progani: Ata që kanë fuqinë për të tjetërsuar dosjet janë njerëz të pushtetshëm

Gazetarja Luljeta Progani thotë se politika e të gjitha krahëve i ka përdorur dosjet për të akumuluar pushtet.

në emisionin  Barometri në Euronews Albania Progani u shpreh se dosjet janë pastruar dhe njerëz me pushtet që kanë dosje kanë fshirë emrat e tyre nga regjistrat.

“Kam parë me sytë e mi, duke bërë një emision duke verifikuar dosjet, kam parë regjistra të fshirë me bojë të bardhë, dosja është zhdukur dhe fshihet edhe emri në regjistër. Ka një lajm të keq; këtë e bë një bashkëpunëtor i sigurimit të shtetit që ka pushtet sot, por krimi lë gjurmë. I njëjti person gjendet në disa dosje, ne disa dokumente. Ka njerëz që mendojnë se i kanë zhdukur gjurmët”, tha gazetarja.

LEXONI GJITHASHTU:

• Barometri| Shqiptarët në një mendje për hapjen e dosjeve të ish-Sigurimit
• Mbi 66% mendojnë se mazhoranca dhe opozita preken njëlloj nga lustracioni