Projeksioni, si pritet të ndahen mandatet në Elbasan | Barometri Politik

Nëse zgjedhjet parlamentare do të mbaheshin të dielën, Partia Socialiste do të rezultonte forcë e parë në qarkun e Elbasanit duke marrë shumicën e mandateve.

Sondazhi i MRB-së për Euronews Albania tregoi se shumica e qytetarëve në qarkun e Elbasanit kanë prirje të votojnë PS-në:

• PS – 44.8%
• PD – 36.4%
• LSI – 5.3%
• Të tjera – 3.9%
• Të pavendosur – 9.6%

Krahasuar me prirjen e rangut kombëtar, në qarkun e Elbasanit vihet re një ulje (nga 7.6%) të votave drejt Lëvizjes Socialiste për Integrim dhe rritje drejt të dyja forcave kryesore PS dhe PD.

Sipas projeksionit të MRB, duke marrë në analizë edhe votat e të pavendosurve, LSI duket se do ta ketë të vështirë të marrë një mandat në Elbasan:

• PS – 7-8 mandate
• PD – 5-6 mandate
• LSI – 0-1 mandat

Në qarkun e Elbasanit, përfaqësues të partive kryesore kanë deklaruar për Euronews Albania si pritshmëri:

• PS – 9 mandate
• PD – 8 mandate
• LSI – 3-4 mandate

Projeksioni, si pritet të ndahen mandatet në Elbasan by Euronews Balkans

Metodologjia

Sondazhi mori në analizë 870 të intervistuar, 415 prej të cilëve në Elbasan dhe 455 në Fier. Intervistat ballë për ballë u realizuan në zona urbane dhe rurale në periudhën 19 mars-28 mars.

LEXONI GJITHASHTU: 

• Çështja e vaksinimit, Manjani dhe Godole: Po përdoret për fushatë
• “Taulant Balla dhe Monika Krymadhi në garë për mandat”, Dimitri Mavros: Mund të kemi probleme të brendshme
• Prirja e votës në Qarkun e Fierit, PS dhe PD i marrin nga një mandat LSI-së
• Blendi Çeka: Vaksinat do të kenë efekt politik