Projekti i ri në hyrje të Shkodrës, IKMT vazhdon punën për prishjen e objekteve

Inspektorati Kombëtar i Mbrojtjes së Territorit po vazhdon në Shkodër punën për prishjen e objekteve, duke i hapur rrugë rikualifikimit të hyrjes së qytetit.

IKMT po vazhdon aksionin për prishjen e objekteve pengesë për realizimin e projektit “Rikualifikimi i hyrjes së qytetit të Shkodrës dhe bregut perëndimor të Liqenit të Shkodrës, Muzeu i Navigimit”.

Ky aksion po zhvillohet në bashkëpunim dhe mbështetje të Drejtorisë Vendore të Policisë Shkodër dhe ka pasur gjithashtu mirëkuptimin edhe të pronarëve të objekteve të cilat po i nënshtrohen prishjes.

Projekti për hyrjen e qytetit të Shkodrës, është financuar nga Fondi Shqiptar i Zhvillimit me vlerë 5 milionë euro dhe synon transformimin e kësaj zone në një hapësirë multifunksionale dhe rekreative. Ky projekt përfshin krijimin e një parku prej 17-18 hektarësh, që do të përmbajë mjedise sportive, shëtitore për këmbësorë dhe biçikleta, pika panoramike si dhe hapësira për aktivitete dhe koncerte.

LEXONI GJITHASHTU:

• Djali i madh i Donald Trump vizitë të papritur në Serbi, do takohet me Vuçiç
• Përkeqësohet moti në Vlorë, pezullohet lundrimi i mjeteve të vogla