Qeveria propozon ngritjen e një operatori krejtësisht të pavarur nga sistemi aktual i energjisë elektrike, që do të rregullojë të gjithë tregun e burimeve të rinovueshme. 

Operatori i Energjisë së Rinovueshme përcaktohet si palë kontraktuese dhe blerësi i energjisë së prodhuar nga këto burime, si dhe shpërndarësi në tregun e organizuar. 

Ligji i ri prezanton konceptin e komunitetit të energjisë së rinovueshme si një entitet juridik të përbërë nga aksionerët e prodhuesve. Pjesë e këtij komuniteti mund të jenë individë, kompani, apo institucione publike që investojnë te këto burime.

Depozitimi është koncepti tjetër që u jep mundësi prodhuesve që ta shesin energjinë në një moment të dytë nga prodhimi. Kostot për depozitimin variojnë nga teknologjia e përdorur, kapacitetet dhe kohëzgjatja e ruajtjes. Aktualisht, ato luhaten nga 140 deri në 250 euro për kilovat.

Projektligji është hedhur për konsultim publik. Në rast miratimi ai shfuqizon ligjin aktual të miratuar që në vitin 2017.

LEXONI GJITHASHTU:

• KESH ble 10 mln euro energji, shiu rriti nivelin e Fierzës 2 metra
• Suedia mbyll kishat dhe saunat për të kursyer energji
• ‘Të rishikohet çmimi i energjisë’, Konfindustria: Do preken deri në 130 mijë familje