Prokurorët e SPAK vizitë pune në SHBA, zbardhet axhenda e takimeve

Zyrtarë të Lartë të Prokurorisë së Posaçme ndodhen në një vizitë zyrtare në SHBA.

10 prokurorë të SPAK-ut me në krye kreun e Prokurorisë së Posaçme Altin Dumanin, ndodhen në Washington në kuadër të një vizite pune.

Axhenda parashikon dhe takime me përfaqësues të Ministrisë së Jashtme amerikane dhe Departamentit të Drejtësisë.

Përmes një postimi në facebook, ambasada amerikane bën me dije se prokurorët do të zhvillojnë takime dhe me zyrtarë të Administratës kundër Narkotikëve (DEA) dhe Byrosë Federale të Hetimit (FBI).

NJOFTIMI I AMBASADËS AMERIKANE

Zyrtarë të lartë të SPAK-ut po marrin pjesë në një vizitë studimore në Uashington, DC këtë javë. Të udhëhequr nga anëtarët e ekipit të Zyrës për Zhvillimin, Ndihmën dhe Trajnimin e Prokurorisë Jashtë Vendit të Ambasadës së SHBA në Tiranë (OPDAT), zyrtarët e SPAK-ut u takuan me drejtuesit kryesorë të Departamentit të Drejtësisë nga OPDAT dhe Programit Ndërkombëtar të Ndihmës për Trajnimin për Hetimet Penale (ICITAP). Prokurorët e SPAK diskutuan gjithashtu sfidat e sigurisë me Shërbimin Marshall të Shteteve të Bashkuara, i cili mbron gjyqtarët, prokurorët, stafin e gjykatës dhe dëshmitarët federalë të Amerikës. Vizita do të përfshijë gjithashtu takime me Departamentin e Shtetit të SHBA-së, Departamentin e Drejtësisë, Administratën kundër Narkotikëve (DEA) dhe Byronë Federale të Hetimit (FBI).

LEXONI GJITHASHTU:

• Karamuço: Ja sfida e Altin Dumanit me disa prej prokurorëve në SPAK
• Spahiu: Prapa SPAK s’është Rama, por SHBA dhe shërbimet inteligjente