Prokurori i Gjykatës Ndërkombëtare Penale, futet në listën e të kërkuarve nga Rusia

19 Maj 2023 | 19:04

Autoritetet ruse e kanë vendosur prokurorin e Gjykatës Ndërkombëtare Penale, Karim Khan, në listën e personave “në kërkim”, pasi gjykata me bazë në Hagë, ka lëshuar fletarresti për presidentin rus, Vladimir Putin, në mars të këtij viti.

Fotografia e Khanit tani është në databazën e Ministrisë së Brendshme të Rusisë.

Në njoftim, ai përshkruhet si burrë i lindur më 30 mars 1970, në Skoci, mirëpo aty nuk përmendet asnjë shkelje.

Në muajin mars, Rusia e ka nisur një rast penal ndaj Khanit, pasi Gjykata Ndërkombëtare Penale ka lëshuar fletëarrestim ndaj Putinit, me akuzat për krimin e luftës – dëbimin e paligjshëm të fëmijëve ukrainas.

Gjykata ka lëshuar fletëarrestim edhe ndaj Maria Lvova-Belovas, Komisionares ruse për të Drejta të Fëmijëve.

Komiteti Hetues i Rusisë, i cili heton krimet e mëdha, ka thënë në mars se Khan është hetuar për “gjykim penal të një personi, që është i pafajshëm”.

përfaqësuesi të një shteti të huaj që gëzon mbrojtje ndërkombëtare”, kanë thënë hetuesit.

Kievi ka thënë që më shumë se 16.000 fëmijë ukrainas janë dëbuar në Rusi, prej nisjes së luftës së Moskës në Ukrainë, në shkurt të vitit 2022.

Rusia, e cila nuk është anëtare e Gjykatës Ndërkombëtare Penale, ka thënë se fletarrestimet janë të “pavlefshme”.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Çmimet e konsumit në mbarë Evropën, cilat vende janë më të shtrenjtat dhe më të lirat?

E njëjta shportë blerjesh mund të kushtojë pothuajse katër herë më shumë, varësisht nga vendi ku ndodheni në Evropë. Por cilat vende janë më të...
09:05 | 25/06/2026

Garda Revolucionare paralajmëron anijet: Do marrim masa nëse kaloni pa leje në Ngushticën e Hormuzit

Garda Revolucionare, forca ushtarake elitare e Iranit, paralajmëroi anijet në Ngushticën e Hormuzit të mos përpiqen ta kalojnë atë pa lejen e tyre. Ata gjithashtu paralajmëruan se...
09:05 | 25/06/2026

Trump reagon për Andy Burnham: Kam dëgjuar se është jashtëzakonisht liberal

Presidenti amerikan, Donald Trump e ka quajtur Andy Burnham “jashtëzakonisht liberal”, në komentet e tij të para publike për ish-kryetarin e bashkisë së Mançesterit të Madh që...
08:54 | 25/06/2026