Prokuroria e Fierit dërgon për gjykim Altin Lamçen, akuzohet për vrasje në tentativë

Prokuroria e Fierit ka dërguar në gjyq dosjen në ngarkim të shtetasit Altin Lamçe, të cilin e akuzon për veprën penale të “Vrasjes me dashje, mbetur në tentativë”.

Hetimet e kryera në bashkëpunim me policinë kanë zbuluar se më 5 maj 2024, rreth orës 11:30, Lamçe ka goditur me një mjet të mprehtë shtetasin Klavio Lika, duke i shkaktuar atij dëmtime serioze për jetën. Dyshohet se shkak për plagosjen është bërë një konflikt për motive të dobëta.

Duke analizuar provat e mbledhura, prokuroria ka arritur në përfundimin se Lamçe ka përmbushur elementët e veprës penale të vrasjes në tentativë ndaj viktimës Lika.

Pas përfundimit të hetimeve Prokuroria ka ngritur aktakuzën, të cilën e ka dërguar në gjykatë për të vazhduar procedurat ligjore.

• Atentati në Shkodër, reagon ministri i Brendshëm Hoxha
• Qitësit ishin 2, iu afruan me Range Rover: Si ndodhi maskara me 3 viktima në Shkodër