Prokuroria serbe: Po merren në pyetje 3 policët e arrestuar në kufi

Në Prokurorinë e Lartë Publike në Kralevë po merren në pyetje tre policët e Kosovës, të cilët sipas autoriteteve në Beograd, janë arrestuar në territorin e Serbisë më 14 qershor.

Lajmin e kanë konfirmuar për Radion Evropa e Lirë nga Prokuroria e këtij qyteti në jug të Serbisë.

Prokuroria nuk iu përgjigj pyetjeve të REL-it se çfarë akuzash rëndojnë mbi tre pjesëtarët e Policisë së Kosovës. Kosova e konsideron arrestimin e tre zyrtarëve policorë si rrëmbim nga autoritetet e Serbisë në territorin e saj.

Sipas Policisë së Kosovës, zyrtarët policorë janë arrestuar në Tresave/Bare që gjendet në komunën e Leposaviqit, brenda territorit të Kosovës.

LEXO GJITHASHTU:

• “Vuçiç mjeshtër i mashtrimit”- Stoikoviç: Pse u arrestuan policët, ‘autogoli’ serb
• Kurti: Serbia e ka traditë rrëmbimin, Kosova ka fituar Pavarësinë para 15 vitesh