Prokuroria spanjolle hap hetim për abuzim seksual ndaj Rubiales

Prokuroria spanjolle ka hapur një hetim paraprak për puthjen në buzë të mesfushores Jenni Hermoso nga kreu Federatës Spanjolle të Futbollit, nga Rubiales.

Sipas një deklarate të marrë nga agjencia e lajmeve AFP nga gjykata kombëtare spanjolle, “prokurorët nga gjykata kombëtare kanë hapur një hetim paraprak për të shqyrtuar faktet, të cilat mund të përbëjnë një vepër të sulmit seksual”, shkruan BBC.

Deklarata tregonte se gjykata do t’i ofronte Hermosos një shans për të ngritur një padi.

Pas përfundimit të finales së botërorit të femrave mes Spanjës e Anglisë, ku iberiket u shpallën kampione, Rubiales iu bashkua festës. Në momentet kur po shpërndaheshin medaljet e arit, 47-vjeçari puthi në buzë njërën prej futbollisteve spanjolle, konkretisht Jenni Hermoso. Veprimi u dënua menjëherë nga mediat dhe personazhet e lidhur me botën e futbollit, ndërsa cilësohet si prishje imazhi.

LEXONI GJITHASHTU:

• Trajnerët kundër Rubiales, stafi i kombëtares së femrave kritika kreut të federatës
• Futbollistet braktisin Spanjën, shkak gjesti i Rubiales. Të pathënat e skandalit