Pronari dogji mbeturinat, rrezikohet banesa në Gjirokastër

Djegia e mbeturinave në mjedis të hapur është kthyer në rrezik për një banesë në Gjirokastër. Ka qenë pronari i shtëpisë, i cili ka tentuar të djegë një grumbull me mbetje urbane në oborr ndërsa flakët kanë dalë jashtë kontrollit duke rrezikuar banesat përreth.

Ngjarja është regjistruar në zonën në hyrje të qytetit ndërsa është dashur ndërhyrja e Shërbimit Zjarrfikës për lokalizimin dhe shuarjen e flakëve.

Personi që ndezi zjarrin është proceduar administrativisht për djegie të qëllimshme të mbeturinave në kundërshtim me ligjin.

Përgjatë kësaj vere policia e Gjirokastrës ka proceduar penalisht 11 persona për zjarrvënie të qëllimshme.

LEXONI GJITHASHTU:

• Zjarret pyjore në vend, Italia dërgon një avion zjarrfikës Canadair
• Zjarret në Gjirokastër: Policia procedon 11 persona për zjarrëvenie të qëllimshme