Policia e Tiranës ka zbuluar një rast të përshtatjes së një qendre masazhi për ushtrimin e veprimtarisë së kundërligjshme të prostitucionit.
Në pranga u vu menaxherja e qendrës së masazheve së bashku me një punonjëse, ndërkohë që u shpall në kërkim 19-vjeçari që posedonte ambientin ku ushtrohej prostitucion.
“Specialistët e Seksionit për Hetimin e Trafiqeve të Paligjshme, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në vijim të punës për goditjen e paligjshmërisë, pas një pune të mirëfilltë hetimore disamujore, organizuan dhe finalizuan operacionin policor të koduar “Fusion” u arrestuan në flagrancë shtetaset M. K., 26 vjeçe, (menaxherja) A. B., 19 vjeçe (punonjëse). U proceduan në gjendje të lirë shtetaset R. S., 28 vjeçe dhe K. K., 19 vjeçe, punonjëse në qendrën e masazheve, dhe shtetasi D. O., 49 vjeç, banues në Tiranë si dhe u shpall në kërkim shtetasi M. M., 19 vjeç”, bëri me dije policia.
Gjatë hetimeve të kryera ka rezultuar se, shtetasi M. M., administronte një qendër masazhesh, në rrugën “Nikolla Jorgo”, me menaxhere shtetasen M. K., dhe përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit.
LEXONI GJITHASHTU:
- Prostitucioni, aborti, divorci a i justifikojnë shqiptarët?
- Vrasje, trafik droge dhe prostitucion, SPAK çon për gjykim dosjen e Xhevdet Plakut