Prostitucioni, aborti, divorci a i justifikojnë shqiptarët?

Një tjetër pyetje e sondazhit të fundit të Barometrit në Euronews Albania i ka vendosur të anketuarit përballë disa fenomeneve të shoqërisë të debatuara gjithmonë si prostitucioni, aborti, apo divorci.

Për të kuptuar tolerancën e qytetarëve ndaj tyre, këto veprime apo fenomene janë vendosur duke i pyetur; a janë të justifikuara apo jo, për ta.

Nga rezultatet e sondazhit, del se 91% e të pyeturve nuk kanë tolerancë apo nuk justifikojnë prostitucionin.

Shumicë janë edhe ata, që nuk justifikojnë abortin, të cilët përbëjnë 77,2 % të të pyeturve.

Dhe më pak në përqindje, në nivelin e 47,8 % të të anketuarve, nuk e justifikojnë divorcin.