Mijëra qytetarë u mblodhën sërish në kryeqytetin çek duke protestuar kundër qeverisë, të cilët e akuzojnë se po keqmenaxhon krizën energjetike dhe po mbështet fuqishëm Ukrainën.
Duke valëvitur flamujt kombëtarë çekë, protestuesit kërkuan dorëheqjen e koalicionit aktual të qeverisë pro-perëndimore të udhëhequr nga kryeministri konservator Petr Fiala.
Protestat u mbajtën nën sloganin “Republika Çeke e para”, një referencë ndaj platformës nacionaliste të ish-presidentit të SHBA Donald Trump, i cili mbështeste fort sloganin “Amerika e para”.
Protestuesit kritikuan qeverinë për një sërë çështjesh, duke përfshirë mbështetjen e sanksioneve të Bashkimit Evropian kundër Rusisë dhe e cilësuan si të pamjaftueshme ndihmën e qeverisë për familjet dhe bizneset e prekura nga rritja e çmimeve të energjisë.
Organizatorët kundërshtuan anëtarësimin e Çekisë në Bashkimin Evropian dhe NATO, dhe disa organizata të tjera ndërkombëtare, si Kombet e Bashkuara dhe Organizata Botërore e Shëndetësisë.
Protesta u zhvilluan edhe në të tjera qytete të Çekisë.
LEXONI GJITHASHTU