Protesta, Bejko: Berisha po kërkon të bëj lajm, është përjashtuar nga tryezat

Pedagogu Roland Bejko tha se me protestën që do të zhvillohet ditën e nesërme kreu i PD-së Sali Berisha po kërkon të bëjë lajm.

Në një intervistë për Euronews Albania, ai tha se Evropa nuk do të çuditet me atë që bëjnë shqiptarë.

Ndër të tjera ai theksoi se Berisha po kërkon të tërheq vëmendjen pasi është përjashtuar nga tryezat e ndërkombëtarëve.

“Parë në atë se çfarë i intereson qeverisë. Evropa nuk është se do të çuditet shumë me këtë që bëjnë shqiptarët se nuk është se ka ndonjë arsye të rëndësishme. Protesta bëhet për të kundërshtuar vendimet që mund të merren  nga Samiti. Protesta në demokraci është një element që e përdorin etnitetet vulnerabël, ato që nuk kanë institucione dhe nuk kanë një vend institucional ku të shprehin zërin e tyre.

Berisha në këtë rast po kërkon të bëj lajm. Europa dhe Perëndimi e ka refuzuar Berishën dhe ai kërkon të tërheq vëmendjen, dhe jam një nga faktorët që duhet të merret parasysh. Ai është përjashtuar dhe është refuzuar dhe nuk pranohet më në tryeza”- tha ai.

LEXONI GJITHASHTU: 

• Alarm për bombë në avion, piloti bën ulje emergjente në Pragë
• Berisha: Nesër protestë e fuqishme, t’i tregojmë Evropës se jemi në betejë me Ramën