Protesta e Berishës. Balla: Axhendë personale! Do humbasin më thellë në 14 maj

Kreu i Grupit Parlamentar të Partisë Socialiste, Taulant Balla, ka komentuar këtë të martë protestën e thirrur nga kreu i Partisë Demokratike Sali Berisha.

Balla tha në fjalën e tij se sa herë që Shqipëria ka çështje të rëndësishme, Berisha është gjithmonë në protestë. Si çështje të rëndësishme ai iu referua pranimit të planit franko-gjerman nga kryeministri i Kosovës, Albin Kurti.

Ai shtoi se protestat bëhen për qëllime të axhendës personale të Berishës dhe jo të axhendës së Shqipërisë.

“Sa herë që Shqipëria ka çështje të rëndësishme Sali Berisha është në protestë. Do doja që komunikimin me ju ta nisja me një çështje të rëndësishme. Desha të  përshëndes Albin Kurtin për vendimin e rëndësishëm që ka marrrë për popullin e Kosovës në lidhje me planin franko-gjerman. Që nga 2 korriku i vitit 1990 e më pas, gjithmonë kur Kosova ka një çështje që ka nevojë për vëmendjen e Shqipërisë, Shqipëria duhet ta ketë vëmendjen te Kosova.

Për protestat e Sali Berishës, janë axhenda personale e një njeriu që nuk mund të imponohet mbi axhendën e Shqipërisë. 14 maji po vjen, më pak se 100 ditë na ndajnë nga zgjedhjet. Dhe ajo që mund t’iu them është se këta do të marrin një rezultat më të dobët nga zgjedhjet e fundit, pasi këta Shqipërinë e njohin nga konferencat për shtyp dhe shajnë punën e atyre që punojnë”, tha Balla.

LEXONI GJITHASHTU: 

• “McGonigal”/ Kuvendi miraton kërkesën e PD-së për mocion me debat
• U masakrua me thikë, autori Salaman Rushdie bën daljen e parë publike
• “Nuk është pyetur ku i gjeti paratë”- Avokati i Alda Klosit akuza prokurorisë