Protesta e opozitës më 6 dhjetor do të shfrytëzohet nga Edi Rama, thotë Mëhilli

Moderatorja Erla Mëhilli tha në një intervistë për Euronews Albania se protesta e opozitës më 6 dhjetor, në të njëjtën ditë kur liderët e Bashkimit Europian dhe ata të Ballkanit Perëndimor do të mblidhen në Tiranë për samitin, do t’i shërbejë Edi Ramës.

“Kam përshtypjen se Edi Rama duke njohur dhe retorikën e tij do ta përdorë këtë protestë për t’u kujtuar ndërkombëtarëve se kush po e bën këtë protestë, ja Sali Bersha, non grata, po bën protestën. Unë shpresoj vetëm që protesta të jetë paqësore dhe mos t’i kthehet në një bumerang opozitës,” – u shpreh Mëhilli.

Sipas saj incidente nuk do të ketë sepse as nuk është në interesin e opozitës. Mëhilli tha se përveç institucioneve që u takon të kenë në kontroll protestën, barra për çfarëdolloj incidenti i bie organizatorit drejtpërdrejtë, pra Sali Berishës.

Mëhilli shtoi se dyshon që do të ketë një numër të lartë protestuesish.

LEXONI GJITHASHTU:

• “Protesta, oksigjen për militantët”, Ferhati: S’ka arsye të bëhet ditën e samitit
• Lela zbulon detaje: Do jetë protesta më e paparë ndonjëherë!