Protesta e studentëve / Zv.Rektorja e Mjekësisë: Bojkoti, jo rruga e drejtë…

Zv.Rektorja e Mjekësisë Anyla Bulo tha se bojkoti i studentëve të mjekësisë nuk është rruga e duhur që ata duhet të ndjekin për pretendimet dhe kërkesat që kanë ndaj qeverisë.

Në një intervistë për Euronews Albania, ajo tha se nuk mendon se ikja e studentëve lidhet me pjesën ekonomike, ndërsa shtoi  se duhet të ulen dhe diskutojnë për pakënaqësitë që kanë.

“I shoh me shumë shqetësim diskutimet e studentëve  dhe pretendimet që ata kanë. Mendoj se është shumë e rëndësishme që të ulemi dhe të diskutojmë gjerë e gjatë me ta. Nuk mendoj se ikja e tyre në vendet e tjera lidhet vetëm me pjesën ekonomike. Ata kanë  pakënaqësi lidhur me mosrespektimin e figurës së mjekut, e ndjejnë veten të pavlerësuar, apo ambientet toksike, që ata gjejnë kur vijnë, mendoj se janë probleme të cilat ne duhet të ulemi dhe t’i diskutojmë me ta. Studentët duhet të jenë pjesë e ndryshimit përmes pjesëmarrjes dhe pasionit të tyre”- tha ajo.

LEXONI GJITHASHTU: 

• Pse mungoi Kurti në Tiranë? Berisha: Papërgjegjësi politike, çfarë e frikësoi?
• “Nata e dymbëdhjetë” e Shekspirit, rikthehet pas 60 vitesh në teatrin e Korçës