“Elon Musk ka frikë”, eksperti i IT: Ja përse nuk përballet dot me Zuckerberg

Eksperti i It, Besmir Semanaj ishte këtë të martë i ftuar në një intervistë për Euronews Albania për të folur rreth “përplasjes në kafaz” të Elon Musk dhe Mark Zuckerberg.

Në një postim në aplikacionin e ri të mediave sociale Threads, Zuckerberg i cili është i apasionuar par arteve marciale tha se kishte propozuar 26 gushtin për përballjen.

Semanaj tha se për përplasjen fizike mes dy manjatëve të mediave sociale, ishte Musak ai që hodhi dorezën i pari, por me reagimet e tij të fundit është kuptuar se mund të kemi një tërheqje të tij, pasi Musk ëhstë 13 vite më i vjetër se Zuckembereg.

“Sfida virtuale u bë vite që e kemi sa i përket sfidës fizike ishte Elon Musk i cili hodhi dorezën i pari, por mesa duket nga postimet dhe reagimet e fundit, mund të kemi një tërheqje të zotit Musk. Duke pasur parasysh edhe diferencën që kanë në moshë, kemi të bëjmë me një diferencë prej 13 vitesh, ku Elon Musk është më i vjetër.

Patjetër i druhet. Është më shumë diçka që u përdor për marketing, pot ë kemi parasysh të dy kompanitë rilancuan, ose le të themi Twitter ndryshoi emrin dhe kaloi në X, gjithashtu Zuckemberg lancoi Threads, I cil në ditët e para ishte shumë sukses, por po rezulton në një dështim pasi 50% e përdoruesve, kanë humbur llogaritë”,-tha eksperti i IT, Besmir Semanaj.

Kujtojmë se manjatët e mediave sociale janë përplasur me njëri-tjetrin muajt e fundit, me Musk që pretendoi se lufta e tyre do të transmetohej drejtpërdrejt në platformën e tij të mediave sociale X, e njohur më parë si Twitter. Ai tha se çdo e ardhur nga ndeshja do të shkonte për bamirësitë e veteranëve. Kur u pyet se cili ishte qëllimi i ndeshjes nga një përdorues i X, Musk u përgjigj: “Është një formë e civilizuar lufte. Burrat e duan luftën.”

LEXONI GJITHASHTU:

• “Burrat e duan luftën” Musk dhe Zuckerberg drejt ndeshjes në kafaz, data e propozuar
• Zuckerberg konfirmon përballjen me Musk në kafaz: Jam gati që sot