Protesta kundër ndotjes së ajrit në Beograd

Në Serbi pak pas orës 14:00 të së dielës, në Sheshin e Republikës përfundoi protesta e pestë kundër ndotjes së ajrit e quajtur “Populli kundër helmuesve”.

Organizata kërkon nga presidenti i Serbisë, Aleksandër Vuçiç, që në përputhje me rolin e përcaktuar të shprehjes së unitetit kombëtar, të krijojë menjëherë kushtet për zbatimin e të gjitha rregullimeve ligjore në fushën e mbrojtjes së mjedisit, veçanërisht të cilësisë së ajrit.

Ata kërkojnë nga kryeministrja e Serbisë, Ana Brnabiç, që qeveria të miratojë menjëherë Programin për Cilësinë e Ajrit me një plan veprimi nga viti 2022 deri në vitin 2030 dhe të sigurojë financa për zbatimin e tij si dhe të sigurojë informacion të vazhdueshëm për qytetarët për cilësinë e ajrit në të gjitha pjesët e vendit.

Nga prokurorja publike e Republikës Zagorka Dolovac kërkohet që menjëherë t’i urdhërojë prokuroritë e ulëta që të veprojnë në një afat prej tre ditësh në të gjitha rastet e ndotjes.

LEXONI GJITHASHTU:

• “Beogradi organizon protesta në Shqipëri”, Ngjela: Ndodhin kur ka tensione në veri
• Ndotja e ajrit shkakton kancer tek joduhanpirësit, sipas studimit