Protesta masive në Izrael pas shkarkimit të ministrit të Mbrojtjes

Dhjetëra mijëra njerëz kanë dalë nëpër rrugët e Izraelit, pasi kryeministri Benjamin Netanyahu, e ka shkarkuar ministrin e Mbrojtjes, Yoav Gallant.

Shkarkimi i tij ka ndodhur pasi Gallant ka folur hapur kundër planeve kontroverse të Qeverisë për të ndryshuar sistemin gjyqësor.

Në Jerusalem, policia dhe ushtarët kanë përdorur topi uji kundër protestuesve, afër shtëpisë së Netanyahut.

Në mëngjesin e së hënës, presidenti izraelit, Isaac Herzog, i ka bërë thirrje Qeverisë që të ndalë reformat.

“Për hir të unitetit të popullit të Izraelit, për hir të përgjegjësisë, u bëj thirrje që të ndalni menjëherë procesin legjislativ”, ka thënë ai në Twitter, duke shtuar se “sytë e të gjithë izraelitëve janë te ju”.

Shtetet e Bashkuara kanë thënë se janë thellësisht të shqetësuara për këto zhvillime dhe kanë bërë thirrje për kompromis.

LEXONI GJITHASHTU:

• Irani dënon me vdekje 5 persona, akuzohen se punuan për Izraelin
• Zjarr në kufirin e Izraelit dhe Gazës, kërkohet ndihmë ndërkombëtare