Protesta në Mal të Zi, kundërshtohet ligji që kufizon kompetencat e kreut të shtetit

Policia malazeze u përplas me protestuesit që u mblodhën në Podgoricë pasi qeveria miratoi një ligj të diskutueshëm që kufizon kompetencat e presidentit.

Parlamenti po ashtu dështoi në emërimin e gjyqtarëve në gjykatën kushtetuese duke e lënë vendin pa një gjykatë të tillë.

Policia përdori gaz lotsjellës për të shpërndarë protestuesit, të cilët  e përshkruajnë veten patriotë dhe mbështesin e partinë e Presidentit Milo Gjukanoviç dhe aleatëve e saj.

Protestuesit, të cilët thonë se ligji i ri është antikushtetues dhe përbën një grusht shteti, brohoritën “Tradhti’. Mes tyre kishte edhe thirrje kundër nismë se Ballkanit të hapur.

Gjatë protestës u sulmua me gurë godina e Parlamentit. Një pjesë e protestuesve tentuan të hyj në godinë dhe thyen xhamat e objektit.

Shteti Ballkanik mbetet  në ngërç politik prej muajsh, që kur qeveria e kryeministrit Dritan Abazoviç nuk arriti t’i mbijetojë një mocioni mosbesimi në parlament.

LEXONI GJITHASHTU: 

• 90 km për një seancë, 55-vjeçarja nga Berati udhëton dy herë në muaj drejt Tiranës
• Protestat e vazhdueshme në Iran, një tjetër sportist drejt ekzekutimit
• Borrell: Plani franko-gjerman mbështetet nga të gjitha vendet e BE-së