Protesta në Rinas, deputeti i PS: Kush i orientoi atje ka bërë një akt antikombëtar

Ardit Bido, deputeti i PS-së në zonën e Vlorës, ka folur këtë të hënë në Now me Erla Mëhillin lidhur me situatën e protestës qytetare. Bido ka komentuar marshimin e djeshëm në Rinas, ku protestuesit u mblodhën pranë ambienteve të aeroportit. Sipas tij, tentativa të tilla bëhen vetëm kur ndodhin “grushte shteti”.

“Dje ne pamë që një grup 200-300 të rinjsh, të cilët jam i bindur që janë të rinj të pastër, për çfarëdo lloj arsyeje individuale, gjë që duhet ta shohim pak më thellë. Ai i cili i ka orientuar drejt diçkaje që është infrastrukturë kritike, padyshim ka bërë një akt antikombëtar. Aeroportet dhe çdo gjë që është e planifikuar si infrastrukturë kritike.” – tha Bido.