‘Protesta’, PD thirrje qytetarëve: Mos u trembni nga skenarët fake të qeverisë

Deputeti i Partisë Demokratike, Belind Këlliçi u bëri thirrje qytetarëve që të marrin pjesë pjesën në protestën e sotme, në orëm 19:00.

Në një deklaratë për mediat nga selia blu, Këlliçi u shpreh se kryeministri Edi Rama ka blinduar dyert e Kryeministrisë, por sipas tij, asgjë nuk i ndal demokratët dhe shoqërinë shqiptare.

Këlliçi rikujtoi qytetarët që të mos tremben nga skenaret e qeverisë.

“Edi Rama është vënë në lëvizje për të penguar valën e madhe shoqërore që do të zbresë pasditen e sotme në kryeqytet. Siç e keni parë, dyert e kryeministrisë tashmë janë të blinduara. As demokratët dhe as shoqerinë  nuk i ndal as edhe një blind, sikurse është provuar nga vitet 90’ e këndej. PD u bën thirrje qytetarëve të mos tremben nga skenarët fake të qeverisë dhe as nga blindatat”, theksoi deputeti.

Sipas tij, opozita është e gatshme të mbrojë interesat e qytetarëve dhe shtoi se i ka ardhur fundi kohës kur opozita ishte e kapur nga pushteti.

Sot në orën 19:00 do të zhvillohet në bulevardin “Dëshmorët e Kombit” protesta e opozitës e thirrur nga Sali Berisha. Mësohet se Partia Demokratike ka kërkuar 2 orë leje në policinë e Tiranës.

Mbi 1000 efektivë të policisë do të jenë të angazhuar në terren mes të cilëve forca të rendit, të Ndërhyrjes së Shpejtë, repartit Shqiponja dhe punonjës të Gardës.

LEXONI GJITHASHTU

• “Berisha specialist i dhunës”, deputetët e PS komentojnë protestën e opozitës
• Paralajmërimi i ambasadës amerikane para protestës së opozitës