Kreu i Shqipëria Bëhet, Adriatik Lapaj tha në protestën e mbajtur sot për Egli Progën, se ajo që i ndodhi 42-vjeçarit mund ti ndodhë secilit prej nesh nëse ne nuk reagojmë.

Lapaj tha se është koha që të gjithë kriminelët të shkojnë në burg e në vend të ketë drejtësi.

“Nesër mund t’i ndodhë secilit prej nesh. Kjo e ka kthyer Shqipërinë në një vend të pasigurt, ku secili do të ikë. Kjo duhet të ndryshojë me bashkim e reagim. Nga reagimi juaj, version i parë ku Eglin e pretenduan si një pijanec që vdiq rastësisht ra poshtë. Prokurorja u tërhoq. Është koha e drejtësisë dhe nuk duhet ta lëmë. Mund të falim një fëmijë që ka frikë nga errësira por nuk mund të falen të rriturit që kanë frikë nga drita”, u shpreh Lapaj.